Quezon – Nasamsam ang tinatayang Php930,240 halaga ng shabu sa isang High Value Individual (HVI) at isang Street Level individual (SLI) sa magkahiwalay na malawakang buy-bust operations ng Quezon PNP nito lamang Oktubre 24, 2023.
Kinilala ni Police Colonel Ledon Monte, Provincial Director ng Quezon Police Provincial Office, ang suspek na HVI na si alyas ‘’Owel/Datu’’, 43, at nasamsam ng Lucena PNP-DEU sa kanya ang ilegal na droga na may timbang na humigit kumulang 20.60 gramo at may halaga na Php420,240.
Samantala, nakumpiska naman ng Lopez Drug Enforcement Team kay alyas ‘’Dorot’’, 61, SLI, ang 25 gramo ng droga na nagkakahalaga naman ng Php510,000.
Nahaharap ang dalawang suspek sa kasong paglabag sa Section 5 at Sec 11, Art ll ng Republic Act 9165 o Comprehensive Dangerous Drugs Act of 2002.
“Malaking ambag ang naidudulot nito upang mawakasan ang tuluyang paglaganap ng droga sa ating lalawigan. Hindi nahihinto ang Quezon Police para mahuli ang mga taong nagbabalak sumira sa kinabukasan at pag-unlad ng ating kababayan lalo na sa kaligtasan at kaayusan ng ating bayan,” ani ni PCol Monte.
Source: Quezon Police Provincial Office
Panulat ni Police Staff Sergeant Donabel T Dulin
