San Fernando, La Union – Tinatayang Php900,000 halaga ng fully grown marijuana plants ang binunot at sinunog ng La Union PNP nito lamang September 9, 2022.
Ayon kay Police Brigadier General Belli Bagaas Tamayo, Regional Director ng Police Regional Office 1, ang operasyon ay sa pinagsanib puwersa ng mga operatiba ng Regional Police Drug Enforcement Unit 1, Regional Intelligence Division PRO 1, Provincial Intelligence Unit Ilocos Sur PPO, Alilem MPS, Sugpon MPS, 2nd Ilocos Sur Provincial Mobile Force Company, at Philippine Drug Enforcement Agency RO1.
Nadiskubre sa Sitio Adaan, Brgy. Caoayan, Sugpon, Ilocos Sur ang tinatayang 4,500 pirasong fully grown marijuana plants sa plantasyon na may kabuuang sukat na 900 square meters at tinatayang nagkakahalaga ng Php900,000.
Kaagad namang binunot at sinunog ng mga operatiba ang mga nadiskubreng fully grown marijuana plants at walang naitalang nahuling marijuana cultivator.
Ang La Union PNP ay patuloy na makikipag-ugnayan sa komunidad para mahuli ang mga nagtatanim ng mga ipinagbabawal na halaman at papaigtingin ang pagpuksa sa mga ilegal na halaman sa kanilang nasasakupan.
Panulat ni Patrolman Dennis Carinal
