Lanao del Sur – binunot at sinunog ng mga tauhan ng Lanao del Sur Police Provincial Office ang 40,000 pirasong marijuana sa Brgy. Bato-Bato, Maguing, Lanao del Sur noong Agosto 22, 2022.
Ayon kay PCol Jibin Bongcayao, Provincial Director, Lanao del Sur PPO ay hindi bababa sa 40,000 piraso ng marijuana ang sinira na may tinatayang halaga na Php8,000,000 at may sukat na dalawang ektarya ang marijuana farm.
Ilang mga kalalakihan ang nagsitakbuhan papalayo sa nasabing marijuana farm ng mapansin na papalapit ang mga pulis at mga sundalo na tinutungo ang nasabing lugar.
Kasama sa nasabing pagsira at pagbunot sa marijuana ang 55th Infantry Battalion at 103rd Infantry Brigade ng Philippine Army na nakabase sa Marawi City.
Agad naman itong sinunog at sinira ng pinagsanib na tauhan ng PNP at AFP ng sa gayon ay hindi na mapakinabangan pa.
Patuloy ang imbestigasyon ng PNP kung sino ang may-ari ng nasabing marijuana farm ng sa gayon ay mapanagot sa batas.
###
Panulat ni Patrolman Mark Vincent Valencia
