Davao del Sur – Tinatayang Php870,000 halaga ng hinihinalang smuggled na sigarilyo ang nasabat sa isinagawang buy-bust operation ng Digos PNP sa Purok Maya-maya, Brgy. Dawis, Digos City, Davao Del Sur, noong Nobyembre 21, 2022.
Kinilala ni PLtCol Hamlet Lerios, Acting Chief of Police ng Digos City Police Station, ang suspek na si alyas “Ronald”, 27, residente ng Brgy. San Jose, Zamboanga.
Ayon kay PLtCol Lerios, naaresto ang suspek sa isinagawang buy-bust operation ng pinagsamang tauhan ng Digos CPS katuwang ang Regional Special Operation Group -Regional Police Drug Enforcement Unit XI.
Dagdag pa ni PLtCol Lerios, nakuha mula sa suspek ang 60 pirasong kahon ng smuggled na sigarilyo na may tinatayang halaga na Php870,000 at marked money na ginamit sa operasyon.
Nagpaalala naman ang PNP na huwag tumangkilik ng mga smuggled na produkto at hinakayat ang mga mamamayan na tumulong sa paghuli sa mga ito upang makamit ang kaayusan at kapayapaan sa bansa.
Panulat ni Patrolman Alfred Vergara
