Nueva Vizcaya – Arestado ang isang High Value Target drug personality sa isinagawang drug buy-bust operation ng mga awtoridad sa Paitan, Nueva Vizcaya noong Hulyo 7, 2023.
Magkatuwang sa isinagawang operasyon ng mga tauhan ng Bayombong Police Station, Philippine Drug Enforcement Agency (PDEA) Nueva Vizcaya Police Office at PDEA CAR Ifugao PO.
Kinilala ni Police Major Frederick Ferrer, Officer-In-Charge ng Bayombong Police Station, ang nahuling suspek na si alyas “Jojo”, 33, may asawa, delivery boy/farmer at residente ng Brgy. Sunlife, Naguillan, Isabela.
Ayon kay PMaj Ferrer, inaresto si alyas Jojo matapos magbenta ng isang pirasong heat-sealed transparent plastic sachet ng hinihinalang shabu na tumitimbang ng MOL 5 gramo na may tinatayang street value na MOL Php34,000.
Narekober at nakumpiska pa mula sa suspek ang tatlong (3) pirasong heat-sealed transparent plastic sachet na hinihinalang shabu na may tinatayang halaga na Php170,000 at timbang na higit o kulang 25 gramo, isang bag na naglalaman ng limang (5) pirasong tape na silyadong pinaghihinalaang pinatuyong marijuana brick na may tinatayang halaga na Php600,000 at tinatayang timbang ng MOL limang (5) kilogramo at dalawang (2) pirasong medium size na tape brick na marijuana brick na may tinatayang SDP na Php60,000 na may tinatayang timbang na MOL 500 gramo, dalawang (2) pirasong Php1,000 at labintatlong (13) pirasong boodle money, isang (1) unit touch screen cellphone brand infinity, improvised pipe at iba’t ibang resibo.
Nahaharap ang suspek sa kasong paglabag sa Sections 5 at 11 ng Article II ng RA 9165 o Comprehensive Dangerous Drugs Act of 2002.
Patuloy ang pulisya at ibang pang law enforcement agencies sa kampanya kontra ilegal na droga upang wakasan ang masamang dulot nito sa lipunan.
Source: Police Regional Office 2
Panulat ni Police Corporal Carla Mae P Canapi
