Nasabat ng mga operatiba ng Station Drug Enforcement Unit (SDEU) ng Taguig City Police Station ang isang High Value Individual (HVI) sa ikinasang buy-bust operation dakong 5:00 ng hapon nito lamang Mayo 6, 2025 sa Barangay W. Rembo, Taguig City.
Ayon kay Police Brigadier General Joseph R. Arguelles, Acting District Director ng Southern Police District, nasamsam mula sa suspek ang anim na heat-sealed transparent plastic sachet na naglalaman ng hinihinalang shabu na tumitimbang ng kabuuang 126.3 gramo at may tinatayang Standard Drug Price na Php858,840, isang Php500 bill at apat na piraso ng Php1,000 boodle money na ginamit bilang marked money, pati na rin ang isang eco bag na pinaglagyan ng mga nasabing ebidensya.
Kasong paglabag sa Sections 5 at 11, Article II ng Republic Act 9165 o ang “Comprehensive Dangerous Drugs Act of 2002” laban sa nasabing suspek.
Patuloy ang paalala ng Southern Police District sa publiko na makipagtulungan sa mga awtoridad sa pamamagitan ng pagbibigay ng impormasyon upang tuluyang masugpo ang salot ng droga sa lipunan.
Source: SPD PIO
Panulat ni PMSg Gargantos, RM
