Tinatayang Php849,000 halaga ng dried marijuana stalks with fruiting tops ang nadiskubre ng Benguet PNP sa isinagawang marijuana eradication sa Batangan, Tacadang, Kibungan, Benguet nito lamang ika-9 ng Mayo 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon dahil sa pinagsanib na pwersa ng mga kapulisan sa pangunguna ng mga tauhan ng Kibungan MPS kasama ang mga tauhan ng PIU/PDEU, Benguet PPO, RID, RIU-14, at PDEA-CAR.
Ang operasyon ay nagresulta sa pagkadiskubre ng dalawang plantasyon na may 7,000 gramo ng dried marijuana stalks with fruiting tops na nagkakahalaga ng tinatayang Php840, 000 Standard Drug Price.
Bagama’t walang nahuling cultivator, lahat ng nasabing natuklasan na dried marijuana stalks ay sinunog sa lugar habang ang sapat na sample ay dinala upang isumite sa Benguet PFU-Cordillera para sa qualitative test.
Pinuri naman ni PCol Bayongasan ang mga operatiba sa kanilang matagumpay na operasyon at sinisiguro naman na lalo pa nilang paiigtingin ang kanilang kampanya kontra sa ilegal na droga, gayundin upang matuldukan ang paglaganap ng pinagbabawal na gamot sa kanilang nasasakupan.
Ang pagpuksang ito ng kapulisan ay bilang pagsuporta sa isinusulong ng Pangulong Ferdinand R Marcos, Jr na Whole-of-Nation Approach na kinakailangan para masugpo ang paglaganap ng ilegal na droga at maging illegal drug-free ang bansa.
Panulat ni PSSg JudeTasing
Source: PROCORROCSMS#2405-091157
