Malanday, Valenzuela City — Tinatayang nasa Php816,000 halaga ng shabu ang nasabat sa isang High Value Individual sa buy-bust operation ng Valenzuela City Police Station nito lamang Linggo, ika-27 ng Nobyembre 2022.
Kinilala ni Police Colonel Ponce Rogelio I Peñones Jr, Acting District Director ng Northern Police District, ang suspek na alyas “Turin”, lalaki, 42, residente ng Barangay 33, Tondo, Maynila.
Ayon kay PCol Peñones Jr, bandang 8:15 ng umaga naaresto si alyas “Turin” sa kahabaan ng Mc. Arthur Highway malapit sa boundary ng Bulacan, Brgy. Malanday, Valenzuela City ng mga operatiba ng Station Drug Enforcement Unit (SDEU) ng Valenzuela CPS.
Nakumpiska sa suspek ang limang heat-sealed transparent plastic sachet na naglalaman ng pinaghihinalaang shabu na humigit kumulang 120 gramo at may Standard Drug Price na Php816,000, apat na Php500, labing anim na Php1,000 na ginamit na boodle money, tatlong Php100, dalawang Php20, isang unit ng cellphone (Oppo), at isang sling bag na kulay asul.
Mahaharap ang suspek sa kasong paglabag sa Section 5 at Section 11 sa ilalim ng Article II ng RA 9165 o Comprehensive Dangerous Drugs Act of 2002.
Ang Pambansang Pulisya ay patuloy na paiigtingin ang kampanya kontra ilegal na droga at sa kahit anumang kriminalidad sa bansa upang makamit ang isang ligtas, maayos at tahimik na komunidad.
Source: Northen Police District
Panulat ni PSSg Remelin M Gargantos
