Iloilo City – Tinatayang Php816,000 na halaga ng shabu ang nasabat ng Iloilo City PNP sa isinagawang drug buy-bust operation sa Brgy. Sto Niño Sur, Arevalo, Iloilo City, nitong ika-5 ng Hulyo 2023.
Ang operasyon ay inilunsad ng pinagsamang mga operatiba ng ICPO-City Drug Enforcement Unit sa pangunguna ni PLtCol Antonio Benitez Jr. OIC CDEU, at PCpt Roque Gimeno III, Team leader ng CDEU, kasama ang ICPS 6 SDET sa pangunguna naman ni PCpt Mavin Laraño, OIC.
Kinilala ni PLtCol Antonio P Benitez Jr. Officer-in-Charge ng City Drug Enforcement Unit, ang nahuling suspek na si Wynnlee Jaena y Descalsota, aka “Toto”, High Value Individual, 49, residente ng Brgy. Democracia, Jaro, Iloilo City at ang kasama nitong babae na si Era May Calopez y Azuelo, aka “Dayday”, 23, at residente ng Brgy. North Baluarte, Molo, Iloilo City.
Narekober sa mga ito ang 17 sachets ng suspected shabu, .22 caliber revolver, limang .22 live ammunition, cellular phone, dalawang lighter, weighing scale, isang bundle ng plastic sachet, Php3,100 na money proceeds, at isang malaking rolyo ng aluminum foil.
Ang dalawang subject person ay nakakulong sa himpilan ng Iloilo City Police Station 6 at ang mga ito ay nahaharap sa kasong paglabag sa RA 9165 o Comprehensive Dangerous Drugs Act of 2002, at RA 10591 para sa Illegal Possession of Firearms.
Patuloy namang hinihikayat ng Iloilo City PNP ang mamamayan sa syudad na makipagtulungan sa ating kapulisan para puksain ang ilegal na droga at mahuli ang mga taong sangkot para sa ligtas at maayos na komunidad.
