Tinatayang nasa Php816,000 halaga ng shabu ang nakumpiska sa ikinasang buy-bust operation ng mga awtoridad na nagresulta sa pagkakadakip sa dalawang drug suspek nito lamang ika-1 ng Oktubre 2024 sa Barangay Macabalan, Cagayan de Oro City.
Kinilala ni Police Brigadier General Jaysen C De Guzman, Acting Regional Director ng Police Regional Office 10, ang mga drug suspek na sina alyas “Elvie”, 33 taong gulang at si alyas “Clint”, 34 taong gulang, pawang mga residente ng nasabing lugar.
Sa ikinasang buy-bust operation ng mga operatiba ng Regional Police Drug Enforcement Unit 10, ay nakumpiska ang walong pakete ng hinihinalang shabu na may bigat na nasa 120 gramo at may street value na Php816,000; isang shoulder bag; isang digital weighing scale; zip lock; android cellphone at Php1,000 bill bilang buy-bust money.
Nahaharap ang dalawa sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Police Regional Office 10 ay mas pinaigting ang laban kontra ilegal na droga para mapanatiling ligtas at payapa ang nasasakupang komunidad.
