Quezon – Nasamsam ang tinatayang Php8,200,000 halaga ng shabu sa ikinasang buy-bust operation ng mga awtoridad na nagresulta ng pagkakaaresto sa isang High Value Individual (HVI) sa Brgy. Ibabang Dupay, Lucena City, Quezon nito lamang Agosto 9, 2023.
Kinilala ni Police Colonel Ledon Monte, Provincial Director ng Quezon Police Provincial Office, ang suspek na si alyas “Alibsar”, 35, tubong Marawi City, Lanao del Sur at pansamantalang naninirahan sa GMA, Quezon.
Narekober sa naturang operasyon ng mga tauhan ng Quezon Police Provincial Office Drug Enforcement Unit ang 400 gramo ng hinihinalang shabu na may tinatayang halaga na Php8,200.000 at iba pang non-drug items.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
“Ito ay bunga ng maigting na pagbabantay ng Quezon PNP upang mapigilan ang pagpasok ng ilegal na droga sa Quezon. Kasama din ang aktibong partisipasyon ng ating mga kababayan,” pahayag ni PCol Monte.
Source: Quezon Police Provincial Office
Panulat ni PSSg Grace Neville Ortiz
