Cebu City – Nasabat ang nasa mahigit isang kilo ng hinihinalang shabu na nagkakahalaga ng Php7,072,000 sa isang High Value Individual sa buy-bust operation ng mga operatiba ng Police Station 6 ng Cebu City Police Office (CCPO) nito lamang Martes, Disyembre 27, 2022 sa Sitio Mahayahay, Brgy. Calamba, Cebu City
Kinilala ni Police Colonel Ireneo Dalogdog, City Director ng CCPO, ang suspek na si alyas “Tiyo”, 22, kabilang sa talaan ng HVI (Regional Level).
Kabilang pa sa mga nakumpiska sa suspek ay ang isang black and blue back pack na ginamit bilang lagayan ng mga droga at buy-bust money.
Mahaharap ang suspek sa paglabag sa Sec. 5 at 11 ng Art. II ng RA 9165 o ang Comprehensive Dangerous Drugs Act of 2002.
Kasabay ng matagumpay na pagsasakatuparan ng operasyon at ng pagkakadakip sa suspek, pinuri ni Police Colonel Dalogdog ang buong hanay ng PS 6, CCPO para sa maayos at mahusay na pagganap ng kanilang tungkulin sa kampanya kontra ilegal na droga at maging sa anumang uri ng kriminalidad upang tiyakin ang kaayusan, kaligtasan, at kapayapaan ng komunidad.
