Mahigit sa Php7 milyong halaga ng shabu ang nasabat ng mga tauhan ng Regional Police Drug Enforcement Unit 6 sa isinagawang buy-bust operation sa Barangay Cabugao Sur, Sta. Barbara, Iloilo nito lamang ika-2 ng Mayo 2024.
Naaresto sa operasyon ang dalawang High Value Individual na kinilalang sina alyas “Bryan”, 30 at kasalukuyang nakatira sa Barangay Camambugan, Sta. Barbara, Iloilo at si alyas “Perper”, 38, at residente ng Zone 2, Barangay Tanza, Timawa, Iloilo City.
Nahuli ang dalawang suspek matapos magbenta sa nagpanggap na police poseur buyer ng isang pirasong sachet ng suspected shabu kapalit ng Php15,000 na buy-bust money.
Narekober mula sa mga suspek ang isang piraso ng heat-sealed transparent plastic sachet, pitong piraso ng heat-sealed transparent plastic sachets, sampung piraso ng knot-tied transparent plastic bags na mga parehong naglalaman ng pinaghihinalang shabu, Php15,000 na buy-bust money, Php1,500 na cash money, isang .357 revolver na may tatlong bala, isang improvised shotgun na may dalawang bala, dalawang cellphone, dalawang motorsiklo at iba pang kagamitan.
Ang mga narekober na ilegal na droga ay tumitimbang ng humigit-kumulang na 1,040 gramo at nagkakahalaga ng Php7,072, 000.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Ang matagumpay na operasyon ng Iloilo PNP ay isang patunay sa patuloy na dedikasyon at determinasyon ng Pambansang Kapulisan na labanan ang ilegal na droga at krimen sa bansa.
Source: PCADG Western Visayas
Panulat ni Pat Julius Sam Accad
