Northern Samar – Tinatayang Php7 milyong halaga ng shabu ang narekober sa loob ng naharang na carnapped vehicle sa kahabaan ng Maharlika Highway sa Brgy. Jubasan, Allen, Northern Samar nito lamang Marso 28, 2023.
Kinilala ni Police Lieutenant Colonel Ritchie Claravall, Officer-In-Charge ng Regional Highway Patrol Unit 8, ang mga naaresto na sina alyas “Jab”, 29; alyas “Ami”, 43, na pawang mga residente ng Lano Del Norte at alyas “Meno”, 32 na residente ng Santiago City, Isabela.
Ayon kay PLtCol Claravall, bandang 3:00 ng madaling araw nang maharang ang sinasakyan ng mga suspek ng mga tauhan ng Northern Samar PNP Highway Patrol Team sa pangunguna ni Police Staff Sergeant Richie Anthony Catucod, Allen Municipal Police Station, Coast Guard Station Northern Samar, Northern Samar CIDG at PCG-K9 Field Operating Unit-Eastern Visayas.
Ayon pa kay PLtCol Claravall, habang isinasagawa ang search/paneling inspection sa sasakyan at sa mga suspek, nakuha ng mga operating team ng PNP sa nasabing sasakyan ang 10 pakete ng white crystalline substance na hinihinalang shabu na nakapaloob sa mga plastic na transparent medium sachet na may tinatayang market value na Php7,000,000.
Mahaharap ang mga suspek sa kasong paglabag sa Sections 5, Article 21 ng Republic Act 9165 o Comprehensive Dangerous Drugs Act of 2002.
Patuloy naman ang pagpapaigting ng Task Force Maharlika ng PRO8 kontra ilegal na droga at titiyakin na masawata ang ilegal na kalakan ng droga sa rehiyon.
