Nasabat ang tinatayang Php792,880 halaga ng hinihinalang shabu mula sa apat na drug personality sa operasyon ng mga awtoridad nito lamang Setyembre 25, 2024 sa Purok Nagsil Village, Barangay Centri Agdao, Davao City.
Kinilala ni Police Major Richeen M Lagnayo, Acting Station Commander ng Sta. Ana Police Station, ang mga suspek na sina alyas “Justine” tinaguriang High Value Individual at tatlo pang Street Level Drug Personality na sila alyas “Jennifer”, alyas “Jomar”, at alyas “Christian”, pawang residente ng nasabing lungsod.
Ang mga suspek ay naaresto sa isinagawang buy-bust operation ng Sta. Ana Police Station at narekober ang humigit kumulang 116.6 gramo ng hinihinalang shabu na nagkakahalaga ng Php792,880.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang mga suspek.
Samantala, ang laban kontra kriminalidad ay patuloy na pinapaigting ng Police Regional Office 11 alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
