Caloocan City — Tinatayang nasa Php776,491 halaga ng umano’y shabu ang nasabat sa isang lalaki sa isinagawang Search Warrant ng Caloocan City Police Station nito lamang Biyernes, Disyembre 2, 2022.
Kinilala ni Police Colonel Ponce Rogelio Peñones Jr, Acting District Director ng NPD, ang suspek na si alyas Kenneth Ocampo, 30, residente ng No. 35 Hebrew Alley, F. Balagtas St., Barangay 143, Caloocan City.
Ayon kay PCol Peñones Jr., naaresto si Ocampo sa bahay nito sa bisa ng Search Warrant na inisyu ni Hon. Glenda K. Cabellao-Marin ng RTC Br. 124, Caloocan City.
Nakumpiska sa suspek ang labing-anim na piraso ng maliit na heat-sealed transparent plastic sachet ng hinihinalang shabu na may bigat na 9.07 gramo at nagkakahalaga ng Php61,676; isang medium knot-tied white sando plastic bag na naglalaman din ng umano’y shabu na may timbang naman na 105.12 gramo at tinatayang Php714,816 ang halaga, at isang belt bag na kulay gray.
Narekober din ang isang unit ng Llama Pistol firearm, dalawang magazine ng kalibre 9mm na may 28 piraso na bala, isang pocket-sized weighing scale na kulay gray, at isang coin purse pouch color Black
Mahaharap ang suspek sa kasong paglabag sa Section 28 ng R.A. 10591 o Comprehensive Firearms and Ammunition Regulation Act at Art II Section 11 ng RA 9165 o Comprehensive Dangerous Drugs Act of 2002.
Tiniyak naman ni PCol Peñones Jr, na pananagutin sa batas ang mga indibidwal na patuloy na gumagamit at nagbebenta ng ilegal na droga kasabay ng pagpapaigting ng police visibility sa distrito.
Source: NPD PIO
Panulat ni PSSg Remelin M Gargantos
