Metro Manila — Tinatayang Php768,400 halaga ng shabu ang nakumpiksa sa magkahiwalay na PNP buy-bust operation nito lamang Huwebes, Septyembre 1, 2022.
Ayon kay PBGen Jonnel C Estomo, Acting Regional Director ng NCRPO, sa Las Piñas City, dakong 5:00 ng madaling araw, naaresto ang mga suspek sa kahabaan ng Canaynay Road, Barangay Manuyo Dos, Las Piñas City, ng mga operatiba ng District Drug Enforcement Unit, SPD at PDEA.
Kinilala ang mga suspek na sina Ronie Garcia Regonios, 40 taong gulang at Jerome Carillas Peredo, 28 taong gulang.
Nakumpiska kay Regonios at Carillas ang walong heat-sealed transparent plastic sachet na naglalaman ng hinihinalang shabu na tumitimbang ng MOL 60 gramo at nagkakahalaga ng Php408,000, isang Php500 at isang berdeng belt bag.
Ayon pa kay PBGen Estomo, bandang 2:00 at 4:30 ng madaling araw, naaresto ang mga suspek sa Brgy. Longos, Malabon City at Brgy. Mapulang Lupa, Valenzuela City ng mga operatiba ng Northern Police District.
Kinilala ang mga naarestong suspek na sina Khurt Esteven Ramos y Angeles alyas “Kurt”, 22; Racquel Almasan y Lopez alyas “Mama”, 56; Jonathan Awud y Dacumos alyas “Tutan”; Ronie Diaz y Bandoy alyas “Nuno”; at Richard Rivera y Dollar.
Narekober sa mga suspek ang dalawang heat-sealed at isang knot-tied transparent plastic sachet na naglalaman din ng hinihinalang shabu na tumitimbang ng humigit kumulang 53 gramo at Php360,400 ang halaga, isang itim na pitaka, isang dilaw na cellular phone at buy-bust money.Ang mga suspek ay nahaharap sa paglabag sa RA 9165 o Comprehensive
Dangerous Drugs Act of 2002.
Pinuri ni PBGen Estomo ang mga operating units sa kanilang mahusay na trabaho, aniya, “Ang patuloy na pagsusumikap ng ating mga tauhan ay sumasalamin sa ating walang humpay na dedikasyon sa ating sinumpaang tungkulin. Dapat lagi tayong magsumikap para sa kapakanan ng ating mamamayan dito sa Metro Manila tungo sa isang tahimik, maayos, at maunlad na bansa.”
Source: PIO_NCRPO
Panulat ni PSSg Remelin Gargantos
