Cebu – Nasabat ang tinatayang Php748K halaga ng shabu sa isang High Value Individual sa buy-bust operation ng Mandaue City PNP sa Sitio San Miguel, Brgy. Maguikay, Mandaue City, Cebu noong Miyerkules, Marso 29, 2023.
Kinilala ni Police Colonel Jeffrey Caballes, City Director, ang naarestong suspek na si “Nano”, 38, isang High Value Individual, at residente ng Brgy. Poblacion West, Moalboal, Cebu.
Ayon kay Police Colonel Caballes, bandang alas-9:35 ng gabi ng maaresto ang suspek
ng mga operatiba ng City Intelligence Unit at City Drug Enforcement Unit ng Madaue City Police Office (MCPO) at makumpiska mula sa suspek ang nasa 110 gramo ng hinihinalang shabu na nagkakahalaga ng Php748,000, isang brown belt bag na ginamit bilang lagayan ng droga, HUAWEI Cellphone, at buy-bust money.
Nahaharap sa kasong paglabag sa RA 9165 o Comprehensive Dangerous Drugs Act of 2002.
Patuloy naman ang pagpapaigting ng Mandaue City PNP sa kampanya kontra ilegal na droga maging sa lahat ng kriminalidad para sa pagsusulong ng kaayusan at kapayapaan ng lungsod.
