Nasabat ang mahigit Php748,000 halaga ng shabu mula sa isang High Value Individual sa isinagawang buy-bust operation sa Purok Bilawan-2, Barangay Central Mati City nito lamang ika-3 ng Enero 2024.
Kinilala ni Police Major Al Anthony I. Gumban, Officer-In-Charge ng Mati City Police Station, ang suspek na si alyas “Angkol,” 66 taong gulang, magsasaka at residente ng Cangusan, Barangay Tubaon, Tarragona, Davao Oriental.
Nakuha mula sa suspek ang 110 na gramo ng shabu at nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy namang tinitiyak ng Police Regional Office 11, ang pagsasagawa ng mga regular na operasyon upang matiyak ang pagsunod sa batas at mga umiiral na regulasyon.
Panulat ni Patrolwoman Shairra Rose A Aquino
