Nakumpiska ang nasa Php748,952 halaga ng shabu sa isinagawang buy-bust operation ng Binangonan Municipal Drug Enforcement Team (MDET) sa koordinasyon ng PDEA sa Binangonan, Rizal nito lamang September 5, 2024 bandang 1:00 ng umaga.
Kinilala ni Police Colonel Felipe B Maraggun, Provincial Director ng Rizal PPO, ang suspek na si alyas “Ed”, 42 taong gulang at alyas “Jeng”, 31,taong gulang na kapwa kabilang sa High Value Individual.
Nakumpiska sa mga suspek ang pitong (7) pakete at dalawang knot tied plastic na may lamang hinihinalang shabu na may kabuuang bigat na humigit kumulang 110.14 gramo na nagkakahalaga ng Php748,952, dalawang (2) piraso ng 1,000 peso bill (buy-bust money), dalawang (2) piraso ng 500 peso bill (confiscated money), isang (1) piraso ng cellular phone at isang (1) piraso ng coin purse color gray.
Dinala ang mga nakumpiskang ebidensya sa Rizal Provincial Forensic Unit para sa tamang dokumentasyon at disposisyon.
Mahaharap ang mha suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Pinuri naman ni PCol Maraggun ang naging matagumpay na operasyon at naninindigan ito na ang mga kapulisan ng Rizal ay lalong magsisigasig upang mahuli ang mga taong patuloy na tumatangkilik at nagbebenta ng ilegal na droga sa probinsya.
Tanda lamang ito ng mas pinaigting na kampanya kontra kriminalidad at ilegal na droga. Sa pagtutulungan ng bawat isa, mas matagumpay nating makakamit ang kaayusan at kapayapaan na mithiin ng ating pamahalaan para sa isang Bagong Pilipinas.
Source: Rizal PNP-PIO
Panulat ni Pat Maria Sarah P Bernales
