Nakumpiska ng mga awtoridad mula sa isang High Value Individual ang tinatayang nasa Php748,000 halaga ng shabu sa isinagawang buy-bust operation sa Zone 9, Canitoan, Cagayan de Oro City, nito lamang Pebrero 21, 2024.
Kinilala ni Police Colonel Salvador Radam, City Director ng Cagayan de Oro City Police Office, ang suspek na si alyas “Kent”, 32 anyos, may asawa at residente ng Tambacan, Iligan City.
Nakumpiska mula sa suspek ang 11 piraso ng heat-sealed transparent plastic sachet na naglalaman ng 110 gramo ng hinihinalang shabu na may Standard Drug Price na Php748,000; Php500 bill na ginamit bilang buy-bust money; at iba pang non-drug evidences.
Ang matagumpay na operasyon ay bunga ng pinagsanib na puwersa ng mga miyembro ng City Intelligence Unit (CIU), City Drug Enforcement Unit (CDEU), Cagayan de Oro City Police Office, at Philippine Drug Enforcement Agency (PDEA).
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kanilang kampanya kontra ilegal na droga. Ito ay alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Pat Rizza C Sajonia
