Nasabat ng mga awtoridad ang tinatayang 11,000 gramo ng hinihinalang shabu na may halagang Php74.8 milyon sa ikinasang buy-bust operation sa Barangay Amparo, North Caloocan City dakong 8:15 ng gabi nito lamang Linggo, Abril 27, 2025.
Ayon kay Police Brigadier General Josefino D Ligan, District Director ng Northern Police District, ang operasyon ay isinagawa ng pinagsanib na puwersa ng Special Operations Unit 3 ng PNP Drug Enforcement Group (PDEG); Northern Police District District Drug Enforcement Unit (NPD-DDEU); PDEA NCR Regional Special Enforcement Team 1 ng SOU NCR PNP DEG; at Sub-Station 15 ng Caloocan City Police Station, at Philippine Drug Enforcement Agency (PDEA).
Kinilala ang mga suspek na sina alyas “Ruben” at alyas “Rolly”.
Narekober ng mga awtoridad ang 11,000 gramo ng hinihinalang shabu at iba pang non-drug evidence.
Pinuri ni PBGen Ligan ang District Drug Enforcement Unit at lahat ng yunit na lumahok sa operasyon dahil sa kanilang walang humpay na pagsusumikap laban sa ilegal na droga, bilang pagpapatibay sa pangako ng NPD na protektahan ang komunidad na kanilang pinaglilingkuran.
Source: NPD PIO
Panulat ni PMSg Remelin M Gargantos
