Bacolod City – Nakumpiska ng PNP ang tinatayang Php728,000 halaga ng ilegal na droga sa inilunsad na drug buy-bust operation ng mga operatiba ng City Drug Enforcement Unit ng Bacolod City Police Office sa Purok Sigay, Brgy. 2, Bacolod City, noong Miyerkules ng gabi, Mayo 24, 2023.
Kinilala ni Police Colonel Noel Aliño, Hepe ng Bacolod City Police Office, ang nahuling suspek na si “Jeo Tongoy”, 21, residente ng nabanggit na syudad at kabilang sa High Value Individual.
Ayon kay PCol Aliño, narekober sa suspek ang 106 gramo ng pinaniniwalaang shabu, buy-bust money at iba pang non-drug items.
Dagdag pa, bago pa man isinagawa ang naturang buy-bust, ang subject person ay dalawang linggong isinailalim sa pagsisiyat at napag-alamang ito nga ay nagbebenta ng ilegal na droga sa nasabing syudad.
Nakakulong na ang HVI sa himpilan ng Bacolod City Police Station 2 at mahaharap sa kasong paglabag sa RA 9165 o ang Comprehensive Dangerous Drugs Act of 2002.
Ang matagumpay na operasyon ay bunga ng walang tigil at mas pinaigting na kampanya ng Bacolod City PNP kontra ilegal na droga upang mapanatili ang kaayusan sa lungsod.
