Nasamsam ang tinatayang Php720,000 halaga ng marijuana at tiklo ang isang lalaki sa isinagawang buy-bust operation ng mga awtoridad sa Brgy. Pinagbakahan, City Of Malolos, Bulacan nito lamang Biyernes, ika-24 ng Nobyembre 2023.
Kinilala ni Police Colonel Relly Arnedo, Provincial Director ng Bulacan Police Provincial Office, ang suspek na si alyas “Glenn”, kasalukuyang naninirahan sa nasabing lugar.
Narekober mula sa suspek ang tinatayang anim na kilo ng dried marijuana na tinatayang nagkakahalaga ng Php720,000.
Sinisiguro ng Bulacan PNP ang walang sawang kampanya laban sa ilegal na droga at kriminalidad upang maging maayos at tahimik ang nasasakupang komunidad.
