Mt. Province – Arestado ang isang lalaki matapos mahulihan ng marijuana ng mga miyembro ng Mt. Province at PDEA sa Poblacion, Bontoc, Mt. Province nito lamang Agosto 11, 2023.
Kinilala ni Police Major Pedro Tactay, Chief of Police, Bontoc Municipal Police Station, ang suspek na si alyas “Raymart”, 30 at residente ng Tondo, Manila.
Ayon pa kay PMaj Tactay, naaresto ang suspek sa tulong ng tumawag na PDEA agent kung saan nasundan ang suspek sa Bugnay, Tinglayan, Kalinga at lulan ng jeepney patungong Bontoc, Mt. Province dala ang mga marijuana.
Kaya naman agad nagsagawa ng interdiction operation sa pangunguna ng Bontoc MPS, PIU/PDEO MPPPO, Sadanga MPS, RID PRO Cordillera katuwang ang mga tauhan ng PDEA Mt. Province at PDEA Kalinga.
Nakumpiska sa suspek ang anim na bricks clean wrapped dried marijuana leaves na may timbang na 6,000 grams na may Standard Drug Price na Php720,000, isang small tubular form ng dried marijuana na may timbang na 22 grams na nagkakahalaga ng Php2,640.
Patuloy naman ang operasyon ng PNP at PDEA sa pagsugpo ng mga ipinagbabawal na droga para sa kaayusan, kapayapaan at kaunlaran ng ating bayan.
