Pe̱ablanca, Cagayan РTinatayang Php720,000 halaga ng marijuana ang nakumpiska sa isang suspek sa buy-bust operation ng Cagayan PNP noong Abril 23, 2022.
Kinilala ni Police Colonel Renell Sabaldica, Provincial Director, Cagayan Police Provincial Office, ang suspek na si Romel Baculi y Macababbad, 23, walang asawa, walang trabaho, residente ng Zone 6, Barangay Alimanao, Peñablanca, Cagayan.
Ayon kay PCol Sabaldica, bandang 6:10 ng gabi nang naaresto ang suspek sa nabanggit na lugar ng pinagsanib na puwersa ng Provincial Drug Enforcement Unit/Provincial Intelligence Unit Cagayan Police Provincial Office (PPO), PDEA RSET, at Peñablanca Police Station.
Ayon pa kay PCol Sabaldica, nakumpiska sa suspek ang 6,000 gramo ng hinihinalang dahon at tangkay ng marijuana na nagkakahalaga ng Php720,000, isang black travelling bag, isang yunit ng black Rusi Macho TC-175 motorcycle na may plate number 0201-878962, isang piraso ng transparent plastic bag na naglalaman ng OR/CR ng motorcycle, isang cellular phone, isang sling bag, boodle money at buy-bust money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak ni Colonel Sabaldica na ang Pambansang Pulisya ay patuloy na ipapatupad ang naaayon sa batas partikular na sa pagsawata sa mga taong sangkot sa ilegal na droga.
Source: Cagayan Police Provincial Office
###
Panulat ni Police Corporal Carla Mae P Canapi
