Southern Police Disrict — Umabot sa Php716,040 halaga ng shabu ang nakumpiska sa magkahiwalay na buy-bust operation ng Southern Police District sa lungsod ng Muntinlupa at Las Piñas nito lamang Martes, Hulyo 19, 2022.
Ayon kay PBGen Jimili Macaraeg, District Director ng SPD, sa Las Pinas City, bandang 12:05 ng madaling araw, naaresto ng mga operatiba ng SDEU, Las Piñas CPS ang suspek na kinilalang si Paul Monfort y Paa alyas “Rems” sa B18 L17 Everlasting Homes, Brgy. Talon 4 sa naturang lungsod.
Nakumpiska kay Monfort ang dalawang small size at dalawang medium size na heat-sealed transparent plastic sachet na naglalaman ng hinihinalang shabu na humigit kumulang 55.3 gramo ang bigat at may estimated street value na Php376,040, isang blue pouch at isang Php500 na ginagamit bilang buy-bust money.
Ayon pa kay PBGen Macaraeg, sa Muntinlupa City naman, dakong 1:45 ng madaling araw, naaresto ng Muntinlupa SDEU ang isang menor de edad na kinilala bilang si alyas “John,” 16 taong gulang sa PNR Site Purok 4 Brgy. Alabang.
Nakumpiska mula sa suspek ang isang small sized, apat na medium sized at tatlong large sized na heat-sealed transparent plastic sachet na naglalaman ng hinihinalang shabu na tinatayang 50 gramo ang bigat at may halaga na Php340,000, at Php1000 na buy-bust money.
Mahaharap ang mga naarestong suspek sa kasong paglabag sa RA 9165 o Comprehensive Dangerous Drugs Act of 2002.
Pinapurihan ni SPD Director ang mga operatiba ng Las Pinas at Muntinlupa City sa matagumpay na buy-bust operations. Aniya, “Upang maalis natin ang ilegal na droga kailangan natin ng malakas na suporta ng komunidad, hinihikayat ko ang lahat na iulat ang anumang ilegal na aktibidad sa inyong lugar upang maaresto ng ating pulisya ang mga lumalabag.
Source: SPD PIO
###
Panulat ni PSSg Remelin Gargantos
