Nakumpiska ang tinatayang Php715,000 halaga ng hinihinalang shabu mula sa isang High Value Individual (HVI) at sa isang menor-de-edad sa ikinasang buy-bust operation ng Bukidnon PNP noong Marso 27, 2025 sa Purok 6, Barangay West Poblacion, Kalilangan, Bukidnon.
Kinilala ni Police Brigadier General Jaysen C. De Guzman, Regional Director ng Police Regional Office 10, ang suspek mga suspek na sina alyas “Paing,” 21-anyos, lalaki at isang 17-anyos na menor-de-edad, parehong walang trabaho at mga residente ng Wao, Lanao del Sur.
Nasamsam ng mga tauhan ng Kalilangan Municipal Police Station, Regional Mobile Force Battalion 10 at Bukidnon Provincial Intelligence Unit mula sa mga suspek ang tatlong heat-sealed na sachet na pinaniniwalaang shabu na may kabuuang bigat na 105.15 gramo at tinatayang may halagang Php715,020, isang cellphone at iba pang non-drug evidence.
Kasong paglabag sa mga probisyon ng Section 5 at Section 11 ng Article II ng Republic Act No. 9165 o ang “Comprehensive Dangerous Drugs Act of 2002” ang kakaharapin ng mga suspek.
“This successful operation demonstrates our unwavering commitment to fighting the illegal drug trade. PRO10 will continue to be relentless in its efforts to ensure the safety and security of our communities by eliminating these criminal activities,” pahayag ni PBGen De Guzman.
Panulat ni Pat Rizza C Sajonia
