General Santos City – Nasamsam ang tinatayang Php714,000 halaga ng shabu sa isang High Value Individual (HVI) sa ikinasang buy-bust operation ng mga awtoridad sa Promise Land, Purok 19, Brgy. Mabuhay, General Santos City noong Setyembre 9, 2023.
Batay sa ulat na natanggap ni Police Brigadier General Jimili Macaraeg, Regional Director ng Police Regional Office 12, mula kay Police Major Paulino Asirit Jr., Chief, Regional Police Drug Enforcement Unit (RPDEU) 12, isang lalaking si alyas “Macoy”, 37, ang nakipagtransaksyon sa nagpanggap na buyer, na ikinasa ng RPDEU12 katuwang ang General Santos City Police Office.
Sa kabuuan, nakuhanan ng humigit-kumulang 105 gramo ng hinihinalang shabu na tinatayang aabot sa halagang Php714,000 at kasong paglabag sa RA 9165 (Comprehensive Dangerous Drugs Act of 2002) ang isinampang reklamo laban sa suspek.
Binigyang papuri naman ni PBGen Macaraeg, ang mga operatiba sa patuloy na pagpupursigi para pigilan at labanan ang paglaganap at kalakalan ng ilegal na droga sa komunidad.
Panulat ni Patrolman Khnerwin Jay A Medelin
