Tinatayang Php714,000 halaga ng shabu ang nasamsam ng pulisya sa isinagawang buy-bust operation sa Vestil Street, Barangay Mambaling, Cebu City nito lamang Martes, Marso 19, 2024.
Kinilala ni Police Colonel Ireneo B Dalogdog, City Director ng Cebu City Police Provincial Office, ang suspek na si Larry, 36 taong gulang, isang High Value Individual at residente ng Sitio Tabucanal, Barangay Basak, San Nicolas, Cebu City.
Ayon kay Police Colonel Dalogdog, ikinasa ang operasyon bandang 3:00 ng hapon ng mga operatiba ng City Drug Enforcement Unit na humantong sa pagkakaaresto sa suspek.
Nakuha mula sa suspek ang nasa 105 gramo ng hinihinalang shabu na may Standard Drug Price na Php714,000.
Mahaharap ang suspek sa kasong paglabag sa Sections 5 at 11, Article II ng Republic Act 9165 o ang Comprehensive Dangerous Drugs Act of 2002.
Ang matagumpay na operasyon ay bunga ng dedikasyon ng mga kapulisan upang suportahan ang programa ng pamahalaan kontra ilegal droga at maging daan tungo sa isang mas maunlad at ligtas na Bagong Pilipinas.
Panulat ni Pat Carla Jane Tanio
Source: CCPO
