Naga City – Tinatayang Php714,000 halaga ng shabu ang nasabat sa dalawang tulak ng droga sa ikinasang buy-bust operation (High Impact Operation) sa Zone 7, Barangay San Felipe, Naga City nito lamang Disyembre 4, 2022.
Kinilala ni PCol Nelson Pacalso, City Director ng Naga City Police Office, ang mga suspek na sina alyas “Ner”, 37, tubong Tanuan, Batangas at si alyas “San”, 59, at parehong residente ng nabanggit na lugar.
Ayon kay PCol Pacalso, bandang 5:15 ng umaga naaresto ang mga suspek ng pinagsanib na mga operatiba ng Regional Police Drug Enforcement Unit 5 (ODRDO-RPDEU5 Team CamSur/ Naga City), Naga City Intelligence Unit, Naga City Police Office, Naga City Police Station 3 at sa pakikipag-ugnayan sa PDEA RO5.
Naaresto ang mga suspek matapos makabili sa mga ito ng isang piraso ng heat-sealed transparent sachet ng naglalaman ng hinihinalang shabu na may tinatayang timbang na 25 na gramo kapalit ang Php75,000.
Sa isinagawang body search, narekober sa mga ito ang sampung piraso ng shabu na may timbang na 80 na gramo. Sa kabuuan, nasa 105 na gramo ng shabu ang nakumpiska na may tinatayang halaga na Php714,000.
Mahaharap ang mga suspek sa kasong paglabag sa RA 9165 o “Comprehensive Dangerous Drugs Act of 2002.
Ang nasabing operasyon ay kaugnay sa BIDA Program ng DILG na “Buhay Ingatan, Droga’y Ayawan” na may mithiing mas mapaigting ang laban kontra ilegal na droga at kriminalidad.
Ito ang naging pahayag ni PBGen Rudolph Dimas, RD, PRO5, “The apprehension of these drug violators is a testament of the full implementation of our efforts to get rid of illegal drugs as a way to prevent the members of our community from being lured of its use. We cannot allow individuals to enter in Bicol and cause the conveyance and proliferation of illegal drugs in the region.”
Source: PNP Kasurog Bicol
