Nasabat ng Taguig PNP ang tinatayang Php714,000 halaga ng shabu sa dalawang High Value Individual (HVI) sa ikinasang Anti-illegal Drug Operation sa New Lower Bicutan, Taguig City nito lamang Lunes, Hulyo 15, 2024.
Kinilala ni Police Brigadier General Leon Victor Rosete, District Director ng Southern Police District, ang dalawang suspek na sina alyas “John”, 26 anyos at alyas Rodolfo, 38 anyos, na isang construction worker.
Nasamsam ang apat na pakete ng shabu na nagkakahalaga ng Php714,000, buy-bust money at isang pitaka.
Mahaharap naman ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002.
Tuloy-tuloy lamang ang SPD sa pagsasagawa ng mga operasyon upang makamit ang isang ligtas at tahimik na pamayanan para sa ikauunlad ng kanilang mga nasasakupang lugar.
Source: SPD PIO
Panulat ni PSSg Remelin M Gargantos
