Davao City – Tinatayang Php705,600 halaga ng hinihinalang shabu ang nasabat sa isang checkpoint ng pinagsamang tauhan ng Toril Police Station at Philippine Army-Task Force Sirawan, nito lamang Sabado, Hunyo 4, 2022.
Kinilala ni PMaj Carol Jabagat, Station Commander ng nasabing istasyon, ang mga suspek na si Socrates Ferbandoz, 41, residente ng Purok- 21, Saloruha Village, Brgy. Talomo, Davao City; Joel Dalucanog, 49; at Harsil Yanson, 42, parehong residente ng Purok- 22, Saloruha Village, Brgy. Talomo, Davao City
Ayon kay PMaj Jabagat, naaresto ang mga suspek sa isang checkpoint sa Toril, Davao City ng mga tauhan ng Toril PS katuwang ang TF Davao Sirawan sa pamumuno ni Maj Florencio Tayo III, Philippine Army, Officer-in-Charge.
Dagdag pa ni PMaj Jabagat, nakuha mula sa mga suspek ang mga pakete ng hinihinalang shabu na may bigat na humigit kumulang 50.4 gramo na may street market value na Php705,600 at mga paraphernalia.
Ang mga suspek ay mahaharap sa kasong paglabag sa Sec. 5, 13, at 14 ng Republic Act 9165 o Comprehensive Dangerous Drugs Act of 2002.
Ang nasabing pagkakadakip sa mga suspek ay pinuri ni PBGen Benjamin Silo Jr., PRO11 Regional Director at ito ay bunga ng masipag at nasa pusong pagseserbisyo ng PNP para sa mamamayan.
###
Panulat ni Patrolman Alfred Vergara
