Butuan City – Tinatayang nasa Php700,400 halaga ng hinihinalang shabu ang nakumpiska at naaresto ang isang babae sa naganap na paghahain ng Search Warrant sa Princess 5, Brgy. San Vicente, Butuan City nito lamang Lunes, Pebrero 7, 2023.
Kinilala ni Police Brigadier General Pablo Labra II, Regional Director ng Police Regional Office 13, ang nadakip na si alyas “Linlin,” 34, online seller at residente ng nabanggit na lugar.
Ayon kay PBGen Labra II, bandang 10:10 ng gabi nang ikasa ang operasyon na pinangunahan ng Special Operation Unit 13 ng PNP Drug Enforcement Group katuwang ang Butuan City Police Station-1 at PDEA-Agusan del Norte.
Nakumpiska sa operasyon ang 18 piraso ng heat-sealed transparent sachets na naglalaman ng hinihinalang shabu na tumimbang ng humigit-kumulang 103 gramo at may Standard Drug Price na Php700,400, isang digital weighing scale, isang digital weighing scoop, isang maliit na metal tong, isang metal scoop at walong lighter.
Nahaharap ang suspek sa kasong paglabag sa Section 11 at 12, Arcticle II ng RA9165 o Comprehensive Dangerous Drugs Act of 2002.
Patuloy ang Caraga PNP sa pagpapaigting ng operasyon kontra ilegal na droga upang maiiwas sa anumang banta ng kriminalidad at terorismo ang mga Caraganons.
Panulat ni Patrolman Jhunel Cadapan/RPCADU13
