Taguig City — Umabot sa Php7,752,000 milyong halaga ng shabu ang narekober sa isang lalake sa isinagawang Oplan Galugad ng mga tauhan ng Taguig City Police Station nito lamang Biyernes, Disyembre 23, 2022.
Ayon kay PBGen Kirby John Kraft, District Director ng Southern Police District, bandang 6:30 ng gabi nang magsagawa ng Oplan Galugad ang mga otoridad sa kahabaan ng Quiapo Dos, Cagayan De Oro St., Brgy. Maharlika Village Taguig City kung saan namataan ang suspek na kinilalang si alyas “Raks” na may hawak na sako ng bag at nang makita ang mga pulis ay agad niyang binitawan ang nasabing bag at tumakbo papalayo sa lugar.
Dito na narekober ang isang Chinese tea bag, dalawang medium heat-sealed at isang vacuum sealed transparent plastic sachet na naglalaman ng hinihinalang shabu na tumitimbang ng 1,140 gramo, isang dilaw na recycled plastic bag at isang timbangan.
Kasalukuyan pa ring nagsasagawa ng follow-up operation ang Taguig CPS para sa agarang pagkakadakip sa tumakas na suspek na mahaharap sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paigtingin ang kampanya laban sa ilegal na droga at mas lalo pang hihigpitan ang pagsasagawa ng police visibility saan mang sulok ng bansa.
Source: SPD PNP
Panulat ni PSSg Remelin M Gargantos
