Cebu City, Cebu – Tinatayang Php 7,480,000 halaga ng hinihinalang shabu ang nasabat sa buy-bust operation ng PNP at PDEA, nito lamang Hunyo 21, 2022.
Kinilala ni Police Colonel Ernesto Salvador Tagle, City Director ng Cebu City, ang suspek na si Avenido Cohanap alyas “Atan”, 27, isang High Value Individual, at residente ng Sitio Ponce 2, Brgy. Carreta, Cebu City.
Ayon kay Police Colonel Tagle, naaresto si Cohanap sa Brgy. Lorega, San Miguel, Cebu City ng mga operatiba ng PDEA at PNP Cebu City Special Drug Enforcement Unit.
Ayon pa kay Police Colonel Tagle, nakumpiska mula sa suspek ang 21 piraso ng transparent plastic pack na tumitimbang ng hindi bababa sa 1.1 kilo ng hinihinalang shabu na may tinatayang halaga na Php7,480,000, isang gray back pack na ginamit bilang lalagyan ng ilegal na droga, at buy-bust money.
Mahaharap sa kasong paglabag sa Section 5 at 11 ng RA 9165 o ang Comprehensive Dangerous Drugs Act of 2002 ang suspek.
###
Panulat ni Kyla Hannah R Evangelista
