Umabot sa Php697,000 ang tinatayang halaga ng shabu na nasabat sa isang buy-bust operation na ikinasa ng mga tauhan ng Regional Police Drug Enforcement Unit 12 (RPDEU12) kasama ang PDEG-SOU12 at General Santos City Police Station 6, sa JP Royeca Blvd., Purok Gonzales, Barangay Bula, General Santos City ganap na 7:40 ng umaga noong Mayo 9, 2025.
Sa bisa ng koordinasyon sa PDEA 12, naaresto ang isang High Value Individual (HVI) na si alyas “Tisoy”, 43 anyos, may-asawa, isang vegetable vendor at residente ng Barangay Dadiangas South, General Santos City.
Nasamsam mula sa suspek ang nasa 102.5 gramo ng hinihinalang shabu na may Standard Drug Price na Php697,000, buy-bust money at iba pang non-drug items.
Nanawagan ang PNP Region 12 sa lahat ng mamamayan na maging mapagmatyag at makipagtulungan sa mga awtoridad upang mapanatili ang isang payapa, ligtas, at malinis na halalan ngayong 2025.
