Makati City — Tinatayang Php691,084 halaga ng shabu ang nasabat sa apat na suspek sa isinagawang buy-bust operation ng mga tauhan ng Makati City Police Station nito lamang Martes, Abril 4, 2023.
Kinilala ni PBGen Kirby John Kraft, District Director ng SPD, ang mga suspek sa pangalang Benjamin Docena, 56; Ma. Cristina, 53; John Mccormick, 70, at Jazel, 30.
Ayon kay PBGen Kraft, naaresto sa nasabing operasyon ang mga suspek bandang 11:36 ng gabi sa isang bahay na matatagpuan sa Barangay Poblacion, Makati City ng pinagsanib puwersa ng mga operatiba ng Makati City Police Station Drug Enforcement Unit, Station Intelligence Section at Substation 6 personnel.
Narekober sa mga suspek ang tatlong maliliit na heat-sealed transparent plastic sachet na naglalaman ng hinihinalang shabu na tumitimbang ng 101.63 gramo at may Standard Drug Price na Php691,084, Php1,000 bukod pa sa 199 piraso ng Php1,000 na boodle money na ginamit bilang buy-bust money, Spencer paper bag, disposable lighter transparent plastic box, weighing scale, plastic sachet, surgical scissors, plastic scoop, black watch box, isang Smith and Wesson .38 revolver, at anim na piraso ng .38 ammunition.
Mahaharap ang mga suspek sa kasong paglabag sa RA 9165 at RA 10591..
Ang buong hanay ng PNP ay patuloy na paiigtingin ang kampanya kontra ilegal na droga at anumang uri ng kriminalidad upang makamit ang isang ligtas, mapayapa at drug free na bansa.
Source: SPD PIO
Panulat ni PSSg Remelin M Gargantos
