Guadalupe, Cebu City – Nakumpiska ang tinatayang Php68 milyong halaga ng shabu sa buy-bust operation ng Cebu City PNP nito lamang Sabado, Abril 23, 2022.
Kinilala ni Police Brigadier General Roque Eduardo Vega, Regional Director ng Police Regional Office 7 ang naaresto na si Josh Vincent Camion alyas Justin, 24, residente ng Sitio Guadario, Brgy. Guadalupe, Cebu City.
Ayon kay PBGen Vega, naaresto ang suspek pasado 5:00 ng hapon sa Brgy. Guadalupe, Cebu City sa pinagsanib na operasyon ng Regional Police Drug Enforcement Unit 7 sa pangunguna ni PCpt Joffre Grande at Philippine Drug Enforcement Agency 7.
Ayon pa kay PBGen Vega, nakuha kay Camion ang mahigit sa sampung kilo ng shabu na may Standard Drug Price na Php68,000,000 at buy-bust money.
Ang nasabing suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na operasyon ay bunga ng pinaigting na pagsasagawa ng Simultaneous Anti-Criminality Law Enforcement Operation ng PNP kasama ang iba pang ahensya ng pamahalaan.
###
Panulat ni Patrolman Carl Philip Galido
