Kulungan ang bagsak ng isang High Value Individual sa isinagawang buy-bust operation ng pulisya na nagresulta sa pagkakasabat ng Php681,360 halaga ng shabu sa Barangay Poblacion, Pardo, Cebu City nito lamang Miyerkules, ika-20 ng Marso 2024.
Kinilala ni Police Major Jeciree S Basitao, Station Commander ng Police Station 7, Cebu City Police Office, ang suspek na si alyas “Mangko”, 40 anyos, isang High Value Individual at residente ng Sitio Lusimba, Barangay Poblacion, Pardo, Cebu City.
Isinagawa ang buy-bust operation bandang 11:25 ng umaga na nagresulta sa pagkaaresto ng suspek at pagkakasabat ng siyam (9) na pakete ng hinihinalang shabu na may kabuuang timbang na 100 gramo at may Standard Drug Price na Php681,360.
Nakumpiska din mula sa suspek ang isang yunit ng Smith and Wesson caliber .38 snub-nosed revolver na may tatlong live rounds ammunition.
Mahaharap ang suspek sa kasong paglabag sa Section 5 at 11, Article II ng Republic Act 9165 o ang Comprehensive Dangerous Drugs Act of 2002 at RA 10591 o Illegal Possession of Firearms and Ammunition Regulation Act.
Ang matagumpay na operasyon ay bunga ng maigting na pagtalima ng kapulisan sa pagsusulong ng programa ng pamahalaan upang labanan at matuldukan ang problema sa ilegal na droga at anumang uri ng kriminalidad.
Source: CCPO
Panulat ni Pat Carla Jane Tanio
