Nasamsam ng Mandaue City PNP ang tinatayang Php680,000 halaga ng pinaghihinalaang shabu sa isinagawang buy-bust operation sa Sitio Abra, Barangay Alang-alang, Mandaue City noong ika-20 ng Marso 2024.
Kinilala ni Police Major Andy Michael Roque, Station Commander ng Police Station 1, Mandaue City Police Office, ang suspek na si alyas “Anden”, 36 anyos, residente sa Sitio Abra, Barangay Alang-alang, Mandaue City.
Isinagawa ang operasyon bandang 10:50 ng gabi na nagresulta sa pagkaaresto ng suspek at pagkakasamsam ng siyam (9) na pakete ng hinihinalang shabu na may kabuuang timbang na 100 gramo at may Standard Drug Price na Php680,000.
Mahaharap ang suspek sa kasong paglabag sa Section 5 at 11, Article II ng Republic Act 9165 o ang Comprehensive Dangerous Drugs Act of 2002.
Patuloy naman na pinapaigting ng buong hanay ng Mandaue City Police Station ang kampanya kontra ilegal na droga para sa pag-unlad at pagkamit ng isang maayos, ligtas at mapayapang Bagong Pilipinas.
Source: MCPO
Panulat ni Pat Carla Jane Tanio
