Nasakote sa ikinasang buy-bust ng mga operatiba ng Southern Police District ang dalawang High Value Individuals (HVI) at isang Street Level Individual (SLI) dahil sa paglabag sa Republic Act 9165 o ang “Comprehensive Dangerous Drugs Act of 2002”, dakong 10:35 ng gabi nito lamang Lunes, Marso 17, 2025 sa 491 River Side Street, Barangay Maricaban, Pasay City.
Kinilala ni Police Brigadier General Manuel Abrugena, District Director ng SPD, ang mga naarestong suspek na sina alyas “Carlo,” 28-anyos na lalaking delivery rider; alyas “Eduardo,” isang 47-anyos na lalaking e-bike driver; at alyas “Ma. Fe,” isang 23-anyos na babaeng walang trabaho.
Pinangunahan ng Drug Enforcement Office (DDEU-SPD) ang operasyon katuwang ang mga tauhan ng District Intelligence Division (DID-SPD) at Sub-Station 7 ng Pasay City Police Station, ang naturang operasyon.
Umabot sa 100 gramo ang kabuuang timbang ng mga nakumpiskang iligal na droga, at may Standard Drug Price (SDP) na Php680,000 at iba pang non-drug items.
Sinampahan ng mga kasong paglabag sa Section 5, Section 11, at Section 26 ng RA 9165 ang mga suspek.
Pinuri ni PBGen Abrugena, ang pagiging epektibo at eksakto ng operasyon, at binigyang-diin ang patuloy na determinasyon ng kapulisan na buwagin ang mga sindikato ng iligal na droga upang mapanatili ang kapayapaan at seguridad sa komunidad.
Source: SPD PIO
Panulat ni PMSg Remelin M Gargantos
