Pampanga – Nasabat ang tinatayang Php680,000 halaga ng ilegal na droga matapos ang ikinasang buy-bust operation ng Magalang PNP sa Brgy. San Nicolas 1, Magalang, Pampanga bandang 11:00 ng gabi nito lamang Martes, ika-8 ng Agosto 2023.
Ang naturang operasyon na pinamunuan ni Police Lieutenant Colonel Romeo Castro, Acting Chief of Police ng Magalang Police Station.
Kinilala ang isang drug personality na si alyas “Gerome”, High Value Individual (HVI), 23, residente ng Purok 6, Miller Estate, Sapangbato, Angeles City.
Matagumpay na ikinasa ng mga operatiba ng Magalang PNP katuwang ang PDEA Region 3, na nagresulta ng pagkakasabat ng tinatayang Php680,000 halaga ng shabu na may timbang na 100 gramo, isang motorsiklo, isang cellular phone; siyam na pirasong Php1,000 bill bilang boodle money; at isang sling bag.
Nahaharap sa kasong paglabag sa RA 9165 O Comprehensive Dangerous Drugs Act of 2002 ang naturang suspek.
Sinisiguro ng Magalang PNP ang patuloy na pangangampanya laban sa ilegal na droga upang masawata ang lahat na gumagamit at nagbebenta ng ipinagbabawal na gamot para sa kaligtasan at seguridad ng kanilang nasasakupan.
Source: Magalang Municipal Police Station
Panulat ni PCpl Jeselle V Rivera
