Iligan City – Kumpiskado ang tinatayang Php680,000 halaga ng shabu sa ikinasang buy-bust operation ng Iligan City Drug Enforcement Unit, Iligan City Mobile Force Company, Regional Intelligence Unit 10, at Iligan City Police Station 1 sa Baliti Drive, Park 11, Brgy. Santiago, Iligan City nito lamang Hunyo 2, 2023.
Kinilala ni Police Colonel Reinante Delos Santos, City Director ng Iligan City Police Office, ang suspek na si alyas “Amar”, 21 anyos, at residente ng Marawi City, Lanao del Norte.
Nakumpiska mula sa suspek ang 10 pakete ng hinihinalang shabu na may timbang na mahigit kumulang 100 gramo na nagkakahalaga ng Php680,000.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Iligan City PNP sa kampanya kontra ilegal na droga at sa mandato na hulihin ang mga may pananagutan sa batas tungo sa isang payapa at tahimik na pamayanan.
Panulat ni Patrolman Edwin Baris/RPCADU10
