Arestado ang dalawang suspek at nakumpiska ang tinatayang Php680,000 halaga ng hinihinalang shabu sa ikinasang joint buy-bust operation sa Barangay Barra, Opol, Misamis Oriental nito lamang Setyembre 24, 2024.
Ang naturang operasyon ay pinangunahan ng mga operatiba ng RPDEU 10, PDEA RO 10, PDEU MIS OR, RID 10, Opol MPS, SOU-10 PDEG, at RIU 10.
Kinilala ni Police Major Michael Salvador Lacasan, Chief of Police ng Opol Municipal Police Station, ang mga suspek na isang alyas “Jhon” at alyas “DJ”, parehong lalake, 18 anyos at residente ng nasabing lugar.
Nakumpiska mula sa mga suspek ang 14 pakete ng hinihinalang shabu na may bigat na 100 gramo at may Standard Drug Price na Php680,000, at isang Php1,000 bill na ginamit bilang buy-bust money.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya ay hindi titigil sa pagpapaigting kontra ilegal na droga para sa pagpapanatili ng seguridad at kaligtasan ng nasasakupan.
