San Jose Del Monte, Bulacan – Tinatayang Php680,000 halaga ng shabu ang nakumpiska sa isinagawang buy-bust operation sa Brgy. San Rafael IV, City ng San Jose Del Monte, Bulacan nito lamang Huwebes, Setyembre 1, 2022.
Kinilala ni Police Colonel Charlie Cabradilla, Acting Provincial Director ng Bulacan Police Provincial Office, ang dalawang suspek na sina Zoraida Gallogo y Aragasi, 27, residente ng Phase 12, Block 54, Extension Lot, Tala, Caloocan at Jefferson Santiago, 38, residente ng Phase 9, Bagong Silang, Caloocan.
Ayon kay PCol Cabradilla, bandang 5:45 ng hapon nang naaresto ang dalawang suspek ng pinagsanib pwersa ng San Jose Del Monte City Police Station-Station Drug Enforcement Unit, PNP Drug Enforcement Group-Special Operation Unit 3, Philippine Drug Enforcement Agency 3, at Provincial Drug Enforcement Unit-Bulacan.
Narekober mula sa dalawang suspek ang 80 gramo ng hinihinalang shabu na may tinatayang halaga na Php680,000; isang cellular phone; at isang Php1,000 bill na ginamit bilang marked money.
Nahaharap ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Police Regional Office 3 ay patuloy pa rin ang ginagawang operasyon para tuluyang mahuli ang mga nagbebenta at gumagamit ng ilegal na droga at maging malaya sa ipinagbabawal na gamot na sumisira sa kinabukasan ng ating mamamayan ng Central Luzon.
Source: Bulacan Police Provincial Office
Panulat ni Police Corporal Jeselle Rivera
