Nakumpiska ang tinatayang Php680,000 halaga ng shabu sa naarestong suspek sa isinagawang buy-bust operation ng PDEA- Naga City, Camarines Sur PO, NCPO- PS5 at NCPO-PIU sa Zone 4, Barangay Triangulo, Naga City nito lamang ika- 4 ng Hunyo, 2024.
Kinilala ang naarestong suspek na isang lalake, 38 taong gulang, construction worker at residente ng Barangay Triangulo, Naga City.
Nakumpiska mula sa suspek ang 100 na gramo ng shabu na may street value na Php680,000.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakaaresto sa suspek ay bunga ng matagumpay na kampanya ng PNP alinsunod sa programa ng gobyerno sa pagtugis sa mga taong nagkasala sa batas at patuloy na ginagampanan ang kanilang sinumpaang tungkulin para sa ligtas, maunlad at mapayapang Bagong Pilipinas.
Source: NCPO
Panulat ni: Pat Rodel Grecia
