Parañaque City — Nakumpiska ang Php680,000 halaga ng shabu sa dalawang suspek sa isinagawang buy-bust operation ng Parañaque City Police Station nito lamang Miyerkules, Abril 12, 2023.
Kinilala ni PBGen Kirby John Kraft, District Director ng Southern Police District, ang mga suspek sa pangalang Alfredo at Gina.
Ayon kay PBGen Kraft, pasado 1:10 ng madaling araw nang mangyari ang operasyon at naaresto ang mga suspek sa kahabaan ng DASA corner Saint Paul Ave. Brgy. San Isidro Paranaque City ng pinagsanib puwersa ng Station Drug Enforcement Unit at mga tauhan ng Police Sub-station 4.
Nasamsam sa mga suspek ang anim na heat-sealed transparent plastic sachet na naglalaman ng hinihinalang shabu na humigit kumulang 100 gramo ang bigat at may Standard Drug Price (SDP) na Php680,000; isang genuine Php1,000 kasama ang walong piraso ng Php1,000 na boodle money; at isang asul na sling bag.
Reklamo para sa paglabag sa Sec. 5 at Sec. 11, Art. II ng R.A. 9165 o Comprehensive Dangerous Drugs Act of 2002 ang kahaharapin ng mga naarestong suspek.
Hindi titigil ang PNP na magsagawa ng mga operasyon para labanan ang mga indibidwal na patuloy na gumagamit at nagbebenta ng ilegal na droga upang matamasa ng ating mga kababayan ang isang ligtas, maayos at mapayapang bansa.
Source: SPD PIO
Panulat ni PSSg Remelin M Gargantos
