Tinatayang aabot sa Php680,000 na halaga ng hinihinalang shabu ang nakumpiska ng mga tauhan ng Muntinlupa Police Drug Enforcement Unit and Station Intelligence Unit ng Muntinlupa City Police Station ng Southern Police District sa ikinasang buy-bust operation sa Posadas Avenue, Barangay Sucat, Muntinlupa City nito lamang Linggo, ika-20 ng Abril 2024.
Kinilala ni Police Major General Jose Melencio C. Nartatez Jr., Regional Director ng National Capital Region Police Office, ang mga suspek na sina alyas “Datu Tolie”, edad 33, at si alyas “Elenor”, edad 41.
Ayon kay PMGen Nartatez Jr, nakumpiska mula sa mga suspek ang humigit kumulang 100 gramo ng hinihinalang shabu na nagkakahalaga ng Php680,000; totoong Php1,000 bill; at walong pekeng Php1,000 bills na gamit bilang buy-bust money.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Sinisiguro naman ni PMGen Nartatez na magiging matatag ang kanilang kilos para labanan ang lahat ng uri ng ilegal na droga at criminalidad sa rehiyon.
Panulat ni Timothy Gabriel F. Caburnay
