Tinatayang nasa Php680,000 halaga ng ilegal na droga ang nakumpiska ng mga operatiba ng Mandaue PNP sa isinagawang buy-bust operation sa F.E Zuellig St., NRA, Brgy. Subangdaku, Mandaue City noong Miyerkules, Enero 31, 2024.
Kinilala ni Police Lieutenant Colonel Wilfredo I Alarcon Jr, Hepe ng City Intelligence Unit, Mandaue City Police Office, ang naaresto na si alyas “Nico”, isang High Value Individual sa City Level, 33 anyos at residente ng Brgy. Jagobiao, Mandaue City.
Ang operasyon ay inilunsad pasado ala-1:00 ng madaling araw ng pinagsanib puwersa ng mga operatiba ng Mandaue City Police Office-City Drug Enforcement Unit at City Intelligence Unit.
Nakumpiska mula sa suspek ang 20 pakete na naglalaman ng pinaghihinalaang shabu na tumitimbang ng nasa 100 gramo na may Standard Drug Price na Php680,000, buy-bust money, brown bag, isang Samsung cellphone, at isang Blue Suzuki Celerio na sasakyan.
Nahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Ang matagumpay na operasyon ng kapulisan ay dahil sa tulong at pakikiisa ng komunidad na matuldukan ang ilegal na droga sa bansa.
Panulat ni Pat Grace P Coligado
